സമകാലികം

ജനുവരി 23

• പ്രശസ്ത എഴുത്തുകാരനും വാഗ്മിയുമായ സുകുമാർ അഴീക്കോട് മരണമടഞ്ഞു.^[1]
• റഷ്യൻ ആണവ മുങ്ങിക്കപ്പലായ നെർപ ഇന്ത്യക്ക് കൈമാറി^[2].
• ശ്രീ പത്മനാഭസ്വാമി ക്ഷേത്രത്തിലെ നിധിയുടെ മൂല്യനിർണ്ണയം ഫെബ്രുവരി പകുതിയോടെ ആരംഭിക്കുമെന്ന് സുപ്രീം കോടതി നിയോഗിച്ച വിദഗ്ധ സമിതിയുടെ അദ്ധ്യക്ഷൻ^[3].
• ദേശീയ സ്കൂൾ കായികമേളയിൽ തുടർച്ചയായ പതിനഞ്ചാം തവണയും കേരളം ചാമ്പ്യന്മാരായി.^[4]

ജനുവരി 22

• യെമനിലെ ഏകാധിപതിയായിരുന്ന അലി അബ്ദുള്ള സാലി അധികാരമൊഴിഞ്ഞ് രാജ്യം വിട്ടു^[5].
• അമ്പത്തി രണ്ടാമത് കേരള സ്കൂൾ കലോത്സവം തൃശ്ശൂരിൽ സമാപിച്ചു. 810 പോയന്റുകൾ നേടി കോഴിക്കോട് ജില്ല തുടർച്ചയായ ആറാം തവണയും ജേതാക്കളായി^[6] .

ജനുവരി 21

• അമേരിക്കൻ കോൺഗ്രസിൽ നടക്കാനിരുന്ന പകർപ്പവകാശ നിയമങ്ങൾ സംബന്ധിച്ച ചർച്ച പ്രതിഷേധം മൂലം അനിശ്ചിതകാലത്തേയ്ക്ക് മാറ്റി വെച്ചു^[7].

ജനുവരി 16

• മുല്ലപ്പെരിയാർ അണക്കെട്ട് തകർന്നാൽ ആഘാതം രൂക്ഷമെന്ന് റൂർക്കി ഐ.ഐ.ടി. പഠന റിപ്പോർട്ട്^[8].
• കേരളത്തിൽ ഭൂരഹിതർക്ക് ഭൂമി നൽകുന്ന പദ്ധതി കോഴിക്കോട്, കാസർഗോഡ് ജില്ലകളിൽ ആദ്യം നടപ്പാക്കുമെന്ന് റവന്യൂ മന്ത്രി തിരുവഞ്ചൂർ രാധാകൃഷ്ണൻ^[9].

• പാക്കിസ്ഥാൻ പ്രധാനമന്ത്രി യൂസഫ് റാസ ഗീലാനിക്ക് കോടതിയലക്ഷ്യ നോട്ടീസയയ്ക്കാൻ പാകിസ്ഥാൻ സുപ്രീംകോടതി ഉത്തരവിട്ടു^[10].
• ഗൂഗിൾ, ഫെയ്സ്ബുക്ക് ഉൾപ്പടെയുള്ള വിദേശ ഇന്റർനെറ്റ് കമ്പനികൾക്ക് ഡെൽഹി മെട്രോപൊളിറ്റൻ കോടതി സമൻസ് അയച്ചു^[11].
• അമ്പത്തി രണ്ടാമത് കേരള സ്കൂൾ കലോത്സവം തൃശ്ശൂരിൽ ആരംഭിച്ചു^[12].

ജനുവരി 14

• മധ്യധരണ്യാഴിയിൽ ഇറ്റാലിയൻ വിനോദസഞ്ചാരക്കപ്പലായ കോസ്റ്റ കോൺകോർഡിയ അപകടത്തിൽപെട്ട് 3 മരണം^[13].

ജനുവരി 13

• ഗൂഗിൾ, ഫെയ്സ്ബുക്ക് തുടങ്ങിയ സോഷ്യൽ നെറ്റ്‌വർക്കിങ് സൈറ്റുകൾക്കെതിരെ നിയമനടപടി സ്വീകരിക്കാൻ കേന്ദ്രസർക്കാർ അനുമതി നൽകി^[14].
• രാജ്യത്തെ ഭീകരവിരുദ്ധ കേന്ദ്രത്തിന് സുരക്ഷാകാര്യ മന്ത്രിസഭാ ഉപസമിതി അനുമതി നൽകി^[15].

• ഹൈദരാബാദിലെ ചരിത്രപ്രസിദ്ധ സ്മാരകമായ ചാർമിനാർ ലോക അറ്റ്‌ലസിൽ സ്ഥാനം നേടി^[16].

ജനുവരി 12

• 14,010 കോടി രൂപയുടെ കേരളത്തിന്റെ വാർഷിക പദ്ധതിക്ക് സംസ്ഥാന ആസൂത്രണ കമ്മീഷൻ യോഗം അംഗീകാരം നൽകി^[17].
• മുല്ലപ്പെരിയാർ ഉന്നതാധികാര സമിതിയിൽ കേരളം പുതിയ സത്യവാങ്മൂലം സമർപ്പിച്ചു^[18].

ജനുവരി 11

• പ്രതിപക്ഷ നേതാവ് വി.എസ്. അച്യുതാനന്ദൻ മുഖ്യമന്ത്രിയായിരിക്കെ ബന്ധുവിന് ഭൂമി നൽകിയെന്ന കേസിൽ അദ്ദേഹത്തെ ഒന്നാം പ്രതിയാക്കി കേസെടുക്കാൻ വിജിലൻസ് അന്വേഷണസംഘം ശുപാർശ ചെയ്തു^[19].
• ദേശീയ സീനിയർ വോളിബോൾ മത്സരത്തിൽ കേരളത്തിന്റെ പുരുഷന്മാർ കിരീടം നേടി^[20].
• ഐ.ജി ടോമിൻ തച്ചങ്കരിയെ അന്വേഷണ വിധേയമായി സർവ്വീസിൽ നിന്നും സസ്‌പെൻഡ് ചെയ്തു^[21].
• ഇന്ത്യയിൽ വിതരണം ചെയ്യുന്ന പാലിൽ 70 ശതമാനവും മായം കലർന്നതാണെന്ന പഠന റിപ്പോർട്ടിന്റെ അടിസ്ഥാനത്തിൽ കേന്ദ്ര ആരോഗ്യമന്ത്രാലയം ഇന്ന് അടിയന്തിര യോഗം വിളിച്ചു^[22].